أثار المخرج محمد العدل حالة من الجدل بين متابعي حسابه على موقع التواصل الاجتماعي فيسبوك، وذلك بعد قيامه بنشر بوست يقول فيه “المنع مش حل”، قبل أيام قليلة من الموعد المقرر لطرح أحدث أفلامه “الملحد” في 14 أغسطس الجاري.
وقال أحد متابعي محمد العدل في تعليقه على البوست إن اسم فيلم الملحد سبب حالة سلبية مضيفا: “الاسم عامل حركة سلبية وسط الناس و دا اللي مخلي المؤسسات تتحرك بالشكل دا دلوقتي …..اعتقد لو تم تغيير اسم الفيلم دلوقتي و الناس شافت الفيلم هتفهم و تحكم صح بدل الاحكام و الافتراضات الغلط اللي بتتقال علي الفيلم من مجرد اسمه”.
ورأى متابع آخر للمخرج محمد أن العدل أن منع الفيلم أفضل تسويق له، مضيفا: “انا فوق ال٤٠ سنة اهو. مافيش عمل فني أو ادبي اتمنع او اتشاع انه اتمنع الا اما دورت عليه و شوفته. بلغة الماركيتينج. المنع هو عين التسويق. طبعا ده اذا كان المنتج جيد من الأساس”.
إقرأ أيضا:الحكم على المطرب عصام صاصا بتهمة القتل الخطأ وتعاطي المخدرات
يذكر أن المنتج أحمد السبكي دافع عن فيلم “الملحد”، بعد الهجوم الذي تعرض له عقب طرح البرومو الخاص بالعمل، موضحا أن سبب الهجوم يعود إلى مؤلف الفيلم إبراهيم عيسى، فدائما ما نجد أشخاصا يهاجمونه بشكل مستمر.
وقال المنتج أحمد السبكي، خلال مداخلة تليفزيونية مع الإعلامية نهال طايل في برنامج “تفاصيل”، المذاع على قناة “صدى البلد 2”: “أنا عاوز أسأل سؤال لو حد تاني كان كاتب الفيلم غير إبراهيم عيسى.. هل الفيلم كان هيتعرض للهجوم؟!.. اللي بيهاجموا دول معروفين ومش هنقول أساميهم، هما مش بيهاجموا الفيلم هما بيهاجموا المؤلف نفسه.. والعمل لا يهاجم الدين الإسلامي.. طيب يا جماعة ما تشوفوا الفيلم الأول وبعدين هاجموه”.
