كشفت الفنانة دينا في حوار تلفزيوني صريح عن تفاصيل حياتها الشخصية، حيث تحدثت عن عدد زيجاتها التي وصلت إلى تسع مرات، وكشفت عن أول حب في حياتها وأسباب انفصالها عن أزواجها.
وقالت دينا خلال لقائها في برنامج “القاهرة اليوم”: “أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي”.
وعن زيجاتها المتعددة، قالت دينا: “اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها”.
وأوضحت دينا أن سبب انفصالها عن أزواجها هو طبيعة عملها كراقصة، حيث قالت: “أنا مهنتي مش سهلة وارتباط راجل بيا مش سهل ولازم يبقى عندة كمية ثقة بالنفس غير طبيعية، أنا اتطلقت كل الطلاقات عشان أنا رقاصة كل الجوازات مكملتش 3 أو 4 سنين”.
إقرأ أيضا:صابر الرباعي:واجهت نفس اللي واجهه حسن شاكوش في المطار!
وعن مفهوم الحب في حياتها، قالت دينا: “أنا رومانسية جدا، بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع، الحب اللي من أول نظرة دا في المسلسلات التركي”.
وردت دينا على الانتقادات التي وجهت إليها بسبب عدد زيجاتها وقالت: “أنا حرة، هو أنا بروح لهم أخبط عليهم في البيت أرقصلهم اللي بيضايق ميتفرجش، شغلتنا أنت بتجيبني بفلوس مش ببلاش أنت بتدفعلي، المكان بيجبني بيدفعلي لو أنا مش كفء لا هيجبني ولا هيدفعلي”.
