بعد تصريحات إيناس الدغيدي الأخيرة خلال مقابلة تليفزيونية قائلة: “عشت المساكنة مع جوزي قبل ما أتجوزه قعدت 9 سنين بحبه، مش فاكرة عيشت المساكنة كام سنة لأن الموضوع من زمان” وأكدت إيناس الدغيدي أنها لم تخض تجربة الزواج العرفي من قبل.
هاجمت الإعلامية مروة صبري المخرجة إيناس الدغيدي بسبب تصريحتها الأخيرة، وقالت مروة صبري في برنامجها “قعدة ستات”: “طالعة بتقولي أنا عشت المساكنة قدام الناس كلها، إذا بليتم فاستتروا، ربنا سترني مطلعش أنا أفضح نفسي وأقول كده قدام الناس كلها”.
وتابعت مروة صبري: “صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها ولكن مش للدرجة دي في حاجات مينفعش، في حاجات ممكن أسيب مساحة لأني أكون معاكي أو ضدك وفي وقت وكلام وتصريحات وإجابات تودي في داهية”.
إقرأ أيضا:نادين نسيب نجيم تفاجئ الجمهور بأولى تفاصيل زفافها
وأكملت مروة صبري: “حضرتك مش محتاجة تريند خالص أنا عارفة أنك مبتحبيش تطلعي في البرامج وعارفه انك بترفضي إذا إنتي مش التارجت بتاعك تقولي حاجة تعملي تريند زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم إنتي مش كده، وحتى لو كانت دي قناعاتك وإنتي شايفة أن دا تفكيرك اللي هو شاذ عن المجتمع والحياة لا يصح أنه يتقال مفيهوش اه أو لأ مرفوض جملة وتفصيلا،عيشتي المساكنة إنتي حرة داري على نفسك”.
