حذر الدكتور أشرف زكي، نقيب المهن التمثيلية، من مغبة مشاركة البلوجرز ونجوم مواقع التواصل الاجتماعي في الأعمال الفنية دون الحصول على تصريح من النقابة، مؤكداً أن المخالفين سيتعرضون لغرامات مالية كبيرة.
وتابع أشرف زكي، خلال مداخلة هاتفية :” لو في أي موهبة حقيقية بنرحب بيها، لكن لو بلوجر أو غيره والناس تقوله يالا نمثل لأ مش كده.. التمثيل مش مهنة من لا مهنة له، شوفلكم شغلانة تانية وأبعدوا عننا.. إحنا اللي فينا مكفينا والعيب مش عليهم”.
وأشار أشرف زكي، إلى أن الخطأ الكبير في مشاركة البلوجر يأتي من بعض الشركات المنتجة والمنتجين الذين يلهثون ورائهم بغرض شهرتهم والترويج للعمل من خلال صفحاتهم.
إقرأ أيضا:شيرين تحذر جمهورها.. وتؤكد عودتها بقوة
وأضاف أشرف زكي :”أي حد هيشتغل من غير تصريح من النقابة بدون موافقة، تصل الغرامة لمليون جنيه، أي حد عاوز يمثل من التيك توكر لازم يتقدم بتصريح من النقابة لو بتتوافر فيه الشروط بنديه موافقة، لكن الموضة بتاعت البلوجر أنا رافضها شكلاً وموضوعاً ومش هسمح بيها، ممكن يستنوا لما أمشي ومدتي تخلص ويعلموا اللي هما عاوزينه”.
