في الوقت الذي يشهد فيه أيمن بهجت قمر نجاحًا كبيرًا على الصعيد الفني، كشف عن جانب آخر من حياته، وهو علاقته بطليقته. وأكد قمر على أهمية العائلة والحفاظ على العلاقات الطيبة، حتى بعد الانفصال.
وقال أيمن بهجت قمر خلال لقائه في برنامج “أسرار النجوم” مع إنجي علي عبر إذاعة “نجوم FM”: “ممكن أكون انفصلت عن أم أولادي الفترة اللي فاتت بس دي فرصة إني أقول لكل الناس وأقولها إن حتى لما بيبقى في انفصال بين اتنين بس هي هتفضل طول عمرها على راسي من فوق لأنها أم أولادي ومهما كان أن ممكن يكون في زعل لكن في الآخر أنا أعرفها من وهي عندها 16 سنة فعمري في حياتي ما بكون قاصد إني أضايقها أو أكون مقصر في حاجة”.
وتابع أيمن بهجت قمر: “هي كانت زوجتي ودلوقتي بتتحط في مكانة الأخت والقريبة وعلى راسي من فوق وبقولها أنا آسف لو في يوم من الأيام في حاجة بتضايقك مني من غير ما أقصد وأتمنى أن الشعور اللي جوايا يكون وصلها مش معنى إن اتنين مش هينفع يرجعوا لبعض أبدا تاني بس لازم أقدر اللي هي عملته في رحلتي وبقولها متشكر وأنا آسف لو ضايقتك في أي حاجة”.
وكان أيمن بهجت قمر انفصل عن زوجته في ديسمبر الماضي.
إقرأ أيضا:“أرابز غوت تالنت 7”: موعد العودة وتفاصيل جديدة
على جانب آخر، أعلن أيمن بهجت قمر عن بدء تصوير أحدث أعماله فيلم “الهنا اللي أنا فيه” من بطولة كريم محمود عبد العزيز ودينا الشربيني وياسمين رئيس وحاتم صلاح ومريم الجندي، تأليف أيمن بهجت قمر وإخراج خالد مرعي وإنتاج : زيد الكردي – أحمد بدوي – جابي خوري.
