حل الإعلامي الرياضي أحمد شوبير، نجم منتخب مصر والنادي الأهلي الأسبق، ضيفًا في برنامج أسرار مع الإعلامية أميرة بدر، المذاع في شهر رمضان على قناة النهار.
ووجهت المذيعة سؤالا لشوبير: «كان معاك ناس زي ثابت البطل وإكرامي والحضري ليه محدش فيهم بيحبك؟».
سخرية الحضري من شوبير
ورد شوبير: «لو قولتي من أفضل حارس مرمى هقولك ثابت البطل وإكرامي دول أستاذتي واللي فرقوا معايا واللي ليهم دور كبير في حياتي، ودايما باقول اسم كابتن ثابت الأول لأنه رحل لكن إكرامي ده حبيبي».
وتابع: «الحضري عنده مشكلة في حياته، الحضري لازم تفضلي تطلعي تقولي الحضري الحضري الحضري»، وأردف ساخرًا: «يعني ممكن نعمل ليلة ذكر الحضري أو مقام الحضري».
وردًا على تصريحات شوبير، هاجم عصام الحضري، حارس مرمى منتخب مصر السابق، أحمد شوبير بسبب تصريحات، التي اعتبرها الحضري هجوما عليه.
تحرض الجماهير
وقال «الحضري» عبر صفحته على موقع التواصل الاجتماعي «X»: «بتكلمني عن الثقافة وكانت فين الثقافة وانت مطرود من شغلك وقاعد في البيت مرة واتنين لمخالفتك القواعد المهنية في الإعلام ومتعلمتش، وكانت فين الثقافة وأنت بتتوقف لإثارة الفتن والتعصب ومتعظتش».
وتابع الحضري: «وكانت فين الثقافة وأنت بتهدد رئيس لجنة المسابقات بالرحيل وبتحرض الجماهير على الشغب والتجاوزات ومخوفتش، وكانت فين الثقافة وأنت مثل حي للتلون والتطبيل وتغيير المواقف يا مثقف عصرك وأوانك».
إعلان أبو تريكة
وانتقد الحضري تغير موقف شوبير من محمد أبو تريكة بعد إعلان استاد القلعة الحمراء، الذي خرج يمدحه بعد أن كان يعاديه، وعلق شوبير على حسابه على تلك المنشورات: «أوعى تدخل في جدال مع جاهل أبدا».
ورد الحضري: «فعلا أوعى تدخل فى جدال مع جاهل قال على نفسه مزور وجاهل قال على نفسه سلطان زمانه، وجاهل حافظ كلمتين بيتاجر بيهم، وقال ايه كده بقى مثقف مش معهد تعاون، صدق اللى قال رمضان بطيخة بقى مونامور».
